اهل البقاع عملوا و اهل البقاع ساووا.. طيب انتوا عاشرتوهم قبل؟ او بتعرفوا كم ازع…

اهل البقاع عملوا و اهل البقاع ساووا..

طيب انتوا عاشرتوهم قبل؟ او بتعرفوا كم ازعر و شملتوا الكل؟
مين نحنا…؟
نحنا اللي تربينا نحمل القلم قبل ما نحمل السلاح.
نحنا اللي تربينا انوا ما بيجي من المشاكل الّا البلاء، بس اذا نفرض عليك المشكل كون قدّو.
نحنا اللي تربينا انو نحلب العنزة لنشرب حليب.
نحنا اللي تربينا انو الشغل مش عيب، و بدل ما تفتّش ع واسطة نشتغل عحالنا لنصير نحنا الواسطة.
نحنا اللي تربينا بدون ما الدولة تطّلّع فينا.
نحنا اللي تربينا عالايمان بإنو بكرا احلى.
نحنا اللي تربينا ع اكل الزيتون بخبزة، و بانو المظاهر مش كلشي!
نحنا اللي تربينا ع اكرام الضيف، و ما منقبل يفلّ اذا ما كان لح ينفجر كرشو.
نحنا اهل الجود والكرم، اهل العز، مش متل ما اغلبية وسائل التواصل عم تفرجيكن.
نحنا اللي قلال بيعرفونا ، وكتار سامعين عنّا.
#مش_كل_بقاعي_أزعر